19 DEKABR 2021 İL, ADVENT DÖVRÜNÜN IV RƏBB GÜNÜNƏ OLAN ELANLAR
Növbəti həftə üçün liturgiya təqvimi
24 dekabr, cümə, MİLAD BAYRAMI ƏRƏFƏSİ
25 dekabr, şənbə, MİLAD BAYRAMI
26 dekabr, bazar, MÜQƏDDƏS AİLƏ – İSA, MƏRYƏM VƏ YUSİF BAYRAMI
IBADƏTLƏRİN CƏDVƏLİ
Əziz dostlar,
Təəssüflər olsun ki, hazırda davam edən koronavirus pandemiyası ilə əlaqədar Azərbaycan Respublikasının Nazirlər Kabineti yanında Operativ Qərargahın qərarı ilə kilsələrdə və məscidlərdə eyni vaxtda ibadət edənlərin sayı 50 nəfərlə məhdudlaşdırılıb.
Buna görə də, Azərbaycanda Katolik Kilsəsinin Apostol Prefekturası Milad Ərəfəsi Günü və Milad Bayramı Günü bir neçə Müqəddəs Messa keçirmək qərarına gəlib. Bu, bütün möminlərin bayram ibadətlərində iştirak edə bilməsi üçün edilir. Kilsə hər kəsdən bu məcburi tədbirlərə anlayışla yanaşmağı xahiş edir
Müqəddəs Məryəm kilsəsində Messaların vaxtını öyrənmək üçün zəhmət olmasa 077 542 26 60 whatsapp nömrəsi ilə əlaqə saxlayın.
Xüsusi təəssüf hissi ilə biz qeyri-katoliklərdən Milad ərəfəsində və Milad günündə Müqəddəs Messalara qatılmaqdan çəkinməyi xahiş etməliyik. Biz hər zaman başqa din və inanclardan olan qardaş və bacılarımızı qonaq etməkdən məmnunuq, lakin ibadətdə iştirakla bağlı say məhdudiyyətlərini nəzərə almalıyıq.
Bununla belə, Milad zamanı kilsəni ziyarət etmək istəyən hər kəs, kilsənin ictimaiyyət üçün açıq olduğu müddətdə, ibadət zamanından kənar istənilən vaxt bunu etməkdə sərbəstdir.
Anlayışınız üçün əvvəlcədən təşəkkür edirik.
MÜQƏDDƏS MƏRYƏM ANA KATOLİK KİLSƏSİNDƏ (XƏTAİ) MÜQƏDDƏS MESSALARIN CƏDVƏLİ
| Çərşənbə axşamı | 12:45 rus dilində |
| Çərşənbə | 12:45 rus dilində |
| Cümə axşamı | 19:00 rus dilində |
| Cümə | MİLAD BAYRAMI ƏRƏFƏSİ MÜQƏDDƏS MESSALAR
Zəhmət olmasa 077 542 26 60 whatsapp nömrəsi ilə əlaqə saxlayın. |
| Şənbə | MİLAD BAYRAMI MÜQƏDDƏS MESSALAR
Zəhmət olmasa 077 542 26 60 whatsapp nömrəsi ilə əlaqə saxlayın. |
| Bazar (Rəbb Günü) | 07:00 və 11:00 ingilis dilində, 13:00 rus dilində, 15:30 azərbaycan dilində |
MQD. II İOHANN PAVEL PRİXODUNDA (GƏNCLİK) MÜQƏDDƏS MESSALARIN CƏDVƏLİ
| Bazar ertəsi | 19:00 rus dilində |
| Çərşənbə axşamı | 19:00 rus dilində |
| Çərşənbə | 19:00 rus dilində |
| Cümə | MİLAD BAYRAMI ƏRƏFƏSİ |
| Şənbə | MİLAD BAYRAMI
11:00 – rus dilində 19:00 – rus dilində Zəhmət olmasa seçiminizi edin və bu barədə ata Behbuda məlumat verin |
| Bazar (Rəbb Günü) | 11:00 və 19:00 rus dilində |
Xatırladırıq ki, ictimai ibadət və ayinlərdə iştirak etmək üçün COVİD-19 koronavirus infeksiyasına qarşı peyvəndolunmanı təsdiq edən sənəd (kovid-pasportu) və ya immunitet sertifikatı (yoluxub sağalanlar üçün) təqdim edilməlidir.
Kovid-pasportu və ya immunitet sertfifikatı olmayan şəxslər Tövbə və Yevxaristiya Sirrlərini qəbul etmək və ya başqa mənəvi ehtiyaclar üçün prixodun baş keşişi ilə fərdi görüş məqsədilə ayrıca danışa bilər.
Xahiş edirik, ibadətgahda olarkən, həmçinin ayin zamanı koronavirus infeksiyasının yayılmasının qarşını almaq məqsədilə təyin olunmuş bütün profilaktik tədbirlərə və qaydalara riayət edəsiniz.
Apostol Prefekturasının elanları
MİLAD BAYRAMI ƏRƏFƏSİ NOVENNA
Dekabrın 16-dan dekabrın 24-dək, Kilsə, liturgiya ilinin əhəmiyyətli tarixlərini öncələyən doqquz günlük dua ənənəsinə riayət edərək, Məsihin Mövlüdundan əvvəl Novenna duasını edəcək. Bu novena həm internetdə tapıla bilinəcək hazır mətnlərdən istifadə etməklə, həm də imanlıların Allaha öz sözləri ilə müraciət etməklə oxuna bilər. Novenanın mənası və məqsədi səmimi duanın köməyi ilə ürəklərimizi dünyaya gələn Xilaskarla görüşə hazırlamaqdır. Bu doqquz günlük duada biz Allahdan Əbədi Kəlamın Təcəssüm Sirrini daha dərindən dərk etmək üçün lütfünü diləyirik ki bu Sirrin nurunda yaşaya və iman edə bilək.
ADVENTİN İKİNCİ HİSSƏSİ
Dekabrın 17-dən Adventin ikinci hissəsi adlanan dövr başlayır. Bu yeddi gün ərzində – dekabrın 17-dən 23-dək, Kilsədə, Axşam Duası zamanı, Məryəmin Nəğməsindən əvvəl, “O atnifonları” adlanan Milad-öncəsi yeddi antifonlardan biri oxunur. Bu antifonların hər biri Məsihi Əhdi-Ətiq titulları ilə izzətləndirir. Beləliklə, Kilsə Onun gözlədiyi Xilaskarın Allahın vəd etdiyi və peyğəmbərlər tərəfindən elan edilmiş Məsih olmasına şəhadət edir. İmanlılara bu yeddi gün ərzində ən azı Saatlar Liturgiyasının Axşam duasını etmək tövsiyə olunur.