20 MART 2022 İL, BÖYÜK ORUCUN III RƏBB GÜNÜNƏ OLAN ELANLAR

Növbəti həftə üçün liturgiya təqvimi

24 mart, cümə axşamı, Rəbbin Müjdəsi Bayramının ərəfəsi (axşam)

25 mart, RƏBBİN MÜJDƏSİ, Böyük Bayram

27 mart, bazar, BÖYÜK ORUCUN IV RƏBB GÜNÜ, “LAETARE…” GÜNÜ

 APOSTOL PREFEKTURASININ ELANLARI

Rəbbin Müjdəsi

VI əsrdən qeyd edilən Rəbbin Müjdəsi Bayramı ilk olaraq xristian Şərqində, sonra isə Qərbdə geniş yayılır.Beləliklə, Kilsə Allah Oğlunun Təcəssümünün sirrini Miladdan doqquz ay qabaq xüsusi bir bayramla qeyd edir.

Bayram Messaları

Müqəddəs Məryəm Kilsəsində:

24 mart, cümə axşamı, bayram ərəfəsi – 19:00 rus dilində

25 mart, cümə, bayram günü – 17:30 rus dilində, 19:00 ingilis dilində

Müqəddəs II İohann Pavel prixodunda

25 mart, cümə, bayram günü – 19:00 rus dilində

RUSİYA VƏ UKRAYNANIN MƏRYƏMİN PAK QƏLBİNƏ HƏSR EDİLMƏSİ

Müqəddəs Ata Fransiskin çağırışına cavab olaraq, martın 25-də Rəbbin Müjdəsi bayramı günü, Bakı vaxtı ilə saat 20:00-da Müqəddəs Məryəm kilsəsində, Azərbaycanda Katolik Kilsəsi, Peterin xələfi və bütün yerli Kilsələr ilə birlikdə  Ukrayna və Rusiya arasında sülh diləklərini Mübarək Allahın Anasının lütfkar dualarına əmanət etmək üçün Rusiya və Ukraynanı Məryəmin Pak Qəlbinə həsr edəcək.

Həsretmə mərasimini Azərbaycanda Katolik Kilsəsinin Apostol Prefekturasının general vikarisi ata Yozef Marek SDB həyata keçirəcək.

Həmçinin Rəbbin Müjdəsi bayramı günü Azərbaycanda Katolik Kilsəsi ölkəmiz üçün, ölkə rəhbərliyi və xalqımızın xeyirdualı olması üçün, bu günümüzdə və gələcəkdə sülh və əminamanlıq üçün təntənəli dua oxuyaraq, Azərbaycanı Mübarək Məryəmin dualarına tapşıracaq.

 Çarmıx yolu ibadətləri

Hər bazar mqd. Məryəm kilsəsində  – saat 12:30

Hər cümə mqd. II İohann Pavel prixodunda  – 19:00-da olan Müqəddəs Messadan sonra.

Böyük Orucun IV Rəbb Günü – “Laetare”  Günü

Böyük Orucun dördüncü Rəbb Günü Oruc dövrünün bütün digər günlərindən bir qədər fərqlidir. Bu gün – orucda bir növ fasilə – qarşıdan gələn bayramın sevincini simvollaşdırır. Bu, Böyük Orucun yeganə günüdür ki, keşişlər tövbəni simvolizə edən bənövşəyi paltarda deyil, sevinci simvolizə edən çəhrayı libaslarda ayinləri icra etmək hüququna malikdirlər. Bu gün kilsəni çəhrayı çiçəklər və bəzəklərlə bəzəməyə icazə verilir.

Laetare (lat. Sevinin) adı bu günün “Laetare Jerusalem: et conventum facite, omnes qui diligitis eam”, “Yerusəlimlə birgə sevinin ey onu sevənlər, hamınız onun üçün şadlanın” introitinin birinci sətirindən gəlir.